RSS訂閱 近期北水愛股入面，南京熊貓電子（00533）可算得上磅之作，今日A股一下漲停，連帶港股呢邊都跟漲一成，博客無咩春江鴨先知風，純粹想旁敲側擊咁分析下呢隻股究竟點解咁多人關注。
先睇睇最近公布業績，截至2024年3月31日止首季虧損擴大至4592.3萬元人民幣，而對上一年同期虧損3039.2萬元人民幣；每股基本虧損5.03分人民幣。有公司股東曾經問管理層，公司利潤下跌主要原因為產品結構調整，及部分業務交貨周期調整未達市場預期，有無咩方法可以提升公司利潤咁；公司就只係答下會對部分產品結構進行了調整優化。不過又兩睇，電子科技行業遇到製造業不景氣，係需要調整公司路線，例如行高端技術咁，但必然係要經歷一下陣痛。
不過最近有消息指，公司考慮為旗下子公司提供9500萬元人民幣融資擔保，相信近期股價炒起可能係公司拎新資金研發新技術之類，係AI越趨成熟下，電子產品都要做一個「AI升級」都係必然嘅事，相信會走呢個方向。
關鍵係，北水愛炒啊嘛！如果未有貨建議先買少少，如果炒到上三蚊可以考慮下先食胡，等佢企搵三蚊再入手炒過。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動
